Comezo os meus estudos musicais á idade de 8 anos na escola de Santa Cruz de Ribadulla; os cales continuo no Conservatorio Profesional de Música de Santiago de Compostela.
Na miña estancia en Santiago, son membro da Escola de Altos Estudios Musicais de Galicia (EAEM) e da Orquestra Xoven da Sinfónica de Galicia cos profesores Jon Etterbeek e Petur Eiriksson.
No ano 2009 trasládome a Zaragoza para estudar no Conservatorio Superior de Música de Aragón cos profesores Ximo Vicedo (trombón solista da Orquesta e Radio da Televisión Española) e Daniel Perpiñán onde acado o título de profesor de música na especialidade de trombón no ano 2013.
Mentres estudo en Zaragoza, traballo como profesor de música na Escola Municipal de Ejea de los Caballeros impartindo clases a todos os alumnos de metal grave durante dous anos.
Nesa etapa son membro de orquestras xoves a nivel nacional e internacional como Jove Orquestra Nacional de Catalunya (JONC), Xoven Orquesta e coro da comunidade de Madrid (JORCAM), Xoven Orquesta de Euskal Herria (EGO), Orquesta da Escola Superior de Música Reina Sofía, Xoven Orquesta Nacional de España (JONDE), Nederlandse Orkest (NJO) e Ljubljana International Orchestra (LIO).
Cando remato os meus estudos en Zaragoza son admitido no Conservatorium Van Amsterdam (Holanda) para estudar con Raymond Munnecom (trombón de Royal Concertgebouw Orchestra).
Durante toda a miña carreira musical colaboro con orquestras sinfónicas no ámbito profesional tales como a Real Filharmonía de Galicia, Orquesta Sinfónica de Galicia, Orquesta de Cadaqués, Orquesta e Coro de Radio Televisión Española e a Orquesta Sinfónica de Navarra.
Na actualidade son o profesor de trombón e bombardino na Escola de Música de Santa Cruz de Ribadulla e na Escola Municipal de Santiago de Compostela.