A Escola Municipal de Música e o Departamento de Educación do Concello de Santiago de Compostela iniciou por primeira vez unha programación específica para o verán con actividades dirixidas a todas as idades. Esta primeira edición tivo unha boa acollida e contou cun elevado número de inscricións.
a) Laboratorio sonoro de verán
O pasado 4 de xullo arrancou a 1ª quenda desta actividade lúdico-educativa orientada a complementar a formación ofrecida dende a Escola Municipal de Musica de Santiago de Compostela e dirixida a nenos/as de 3 a 12 anos. O vindeiro venres 15 de xullo finalizarán a súa experiencia cunha representación musical á que poderán asistir as familias dos e das participantes.
Características do programa:
A través de diferentes actividades, e baixo un ambiente lúdico, trabállanse os distintos aspectos artísticos da creación musical e posta en escena dunha representación. O obxectivo final da actividade é a creación dunha representación musical, que se estreará o último día de cada quenda, ao que as persoas participantes porán música a través de instrumentos musicais, desenvolverase a expresión artística mediante a creación do atrezzo e caracterización para a actuación final adaptado á temática da mesma.
O Laboratorio sonoro artéllase ao redor de actividades artísticas, musicais e creativas en torno unha temática xeral:
- Espazo de atrezzo e caracterización. Desenvolvemento artístico de elementos decorativos, mediante a aplicación de diferentes técnicas artísticas.
- Espazo musical. Construción dunha interpretación musical, ben a través do corpo, ben a través de instrumental ou ben doutros elementos alternativos.
- Espazo lúdico-creativo. Un tempo para o xogo, para experimentar coa música, crear instrumentos ou descubrir a infinidade de sons que podemos emitir co noso corpo.
Nº de prazas: 45 para cada quenda.
Lugar: Colexio Apóstolo Santiago – Centro Xove da Almáciga. (Santiago de Compostela).
Datas:
- 1ª quenda do 4 ao 15 de xullo.
- 2ª quenda do 18 ao 29 de xullo. (Agás festivos).
Horario: De luns a venres de 10:00 a 14:00 co seguinte horario para a entrada e a saída:
Horario de conciliación:
- Entrada de 09:00 a 10:00
- Saída de 14:00 a 15:00
Prezo: As actividades propostas teñen carácter gratuíto para as persoas participantes
Lugar: Centro Xove da Almáciga. (Santiago de Compostela).
Datas: do 11 ao 15 de xullo.
Horario:
GRUPO I: 13 a 17 anos. Luns a venres de 11:30 – 13:30.
GRUPO II: De 18 anos en adiante. Luns a venres de 09:30 – 11:30.
O vindeiro luns 18 de xullo dará inicio á 2ª quenda desta actividade.
b) Obradoiro de produción musical:
Este obradoiro que pretende dar a coñecer as ferramentas e recursos necesarios para iniciarse na produción musical actual iniciouse o pasado luns 11 de xullo da man de Adrián Saavedra, compositor e produtor musical, Premio Martín Códax da Música 2019, que traballou con artistas como Nastasia Zürcher, Pablo Lesuit, A Banda da Loba, Marcelo Dobode, ou Abraham Cupeiro.
Características do programa:
Falarase de secuenciadores, tarxetas de son, microfonía, librerías e instrumentos virtuais, samplers…todo elo a través da aplicación práctica destes conceptos sobre unha creación musical.
Durante o curso faranse dous proxectos musicais, un creado unicamente con instrumentos virtuais e outro onde se sentarán as bases para a gravación de instrumentos reais, como baixo, guitarra eléctrica, piano, voz…
Nº de prazas: 15 para cada grupo.
